Concello de Verín. 6 de agosto
O CONCELHO DE VERÍN, A PROPOSTA DA CIG, CELEBRARÁ O 6 DE AGOSTO UN
PLENO E ACTO PÚBLICO PARA OUTORGAR DISTINCIÓNS ÁS VÍTIMAS DO FRANQUISMO
NA COMARCA DE MONTERREI
Tras a proposta formulada pola CIG de organizar un Acto institucional
de Homenaxe ás vítimas do franquismo na Comarca de Monterrei, o Grupo
de Goberno do Concelho de Verín ven de tomar o acordo de celebrar, o
próximo día 6 de Agosto de 2015 (xoves), un Pleno da Corporación
municipal, co obxecto de outorgar tais honores e distincións aos
vicinhos/as, políticos/as e sindicalistas executados, apresados e
represaliados polo franquismo.
Rematado o Pleno, sobre as 21.30 horas da noite, tamén se
desenvolverá, na Praza da Concelho de Verín, un acto público de homenaxe
ás vítimas e entrega de distincións aos familiares.
A petición realizada pola Unión Local da CIG de Verín, o día 22 de
Xulho do 2014, reiterada o día 23/04/15, persegue, e toda aponta a que
vai conseguir, que o Concelho de Verín conceda, a título póstumo, a umha
serie de persoas que protagonizaron a vida da nosa vila nos momentos
previos e posteriores ao golpe de estado de 1936, as distincións e
honores que merecen, por ter entregado as súas vidas e patrimonios á
causa da liberdade e da democracia.
Ademais, preténdese proxectar tal reconhecimento non só ás persoas
propostas para seren distinguidas, senón tamén a todos os
represaliados/as e resistentes ao franquismo da Comarca de Monterrei
(mais de 500 persoas oficialmente contabilizadas); motivo polo que a CIG
fai un chamamento a toda a cidadanía á participación nos actos de
homenaxe.
PROPOSTA DA CIG:
1º.- Conceder os honores e distincións, a título póstumo, que se relacionan, ás persoas que se identifican:
- a) Filhos predilectos da vila de Verín aos condenados, pola Sentenza Militar de 22/05/1937 (Causa 1021/1936), que se sinalan:
- JUAN ANTONIO ÁLVAREZ DIÉGUEZ
- ERNESTO RAMOS MÉNDEZ
- SIXTO SALGADO FARINHAS
- MANUEL CADAVID GARCÍA
- LUÍS ÁLVAREZ LOSADA
- MANUEL SOLA PAREJA
- ENRIQUE J. CARDOSO PURIFICACIÓN
- ADOLFO IGLESIAS RODRÍGUEZ
- CONSTANTINO GAGO GAGO
- RAMÓN QUINTAS GONZÁLEZ
- FRANCISCO VAZ ÁLVAREZ
- CELSO BLANCO CASTRO
- MANUEL CABIDO RODRÍGUEZ
- GREGORIO BARREIRAS MARTÍNEZ
- JOSÉ SOLA PAREJA
- FERNANDO SUÁREZ ÁLVAREZ
- b) Filhos adoptivos da vila de Verín aos condenados, pola Sentenza Militar de 22/05/1937 (Causa 1021/1936), que se sinalan:
- CARLOS REINO CAAMANHO
- LINO GARCÍA VÁZQUEZ
- RICARDO GONZÁLEZ GONZÁLEZ
- GERARDO RODRÍGUEZ BARJA
- JOSÉ PÉREZ DELGADO
- PEDRO JUSTO CASTRO
2º.- Conceder a insignia d’ouro do Concelho de Verín ás persoas
executadas, asasinadas, fuxidas e represaliadas durante o Franquismo,
naturais da Comarca de Monterrei, disponhendo a exhibición de tal
insignia, con carácter permanente, nun lugar público e preferente da
Casa do Concelho de Verín.
3º.- Colocar umha placa conmemorativa na fachada do Concelho de Verín, co seguinte redactado:
“O concelho e o povo de Verín en lembranza dos fusilados o día 17 de
Xunho de 1937: Carlos Reino Caamanho (Alcalde de Verín), Xoán Antonio
Álvarez Diéguez (Tenente Alcalde), Ernesto Ramos Méndez (Concelheiro),
Sixto Salgado Farinhas (Sindicalista) e Lino García Vázquez (Director do
xornal -El Nuevo Támega-), así como de todos os homes e mulheres
executados/as, paseados/as, asasinados/as, fuxidos/as, aldraxados/as,
violadas, humilhadas e represaliados/as polo réxime franquista”
4º.- Dar orde ao servizo correspondente do Concelho de Verín de
instruír un expediente dirixido a modificar a denominación das rúas
propostas no escrito de solicitude ou, no seu caso, a asignar, a outras
rúas e prazas, as denominacións que se sinalan; debendo estar concluído
tal trámite no prazo máximo de 12 meses.
* PRAZA DO ALCALDE CARLOS REINO CAAMANHO.
* RÚA DE LINO GARCÍA VÁZQUEZ.
* RÚA DE SIXTO SALGADO FARINHAS.
* RÚA DE XOAN ANTONIO ÁLVAREZ DIÉGUEZ.
* RÚA DE ERNESTO RAMOS MÉNDEZ.
En Verín, a 29 de Xulho do 2015
Manoel Anxo García Torres
